ضاع أخر أمل.. البلوجر سارة محمد تعلن فقدها البصر نهائيا

صدمت البلوجر المصرية سارة محمد جمهورها، بإعلان ضياع آخر أمل كانت متمسكة به في استعادة نظرها، إذ كان من المقرر لها أن تجري عملية في عينها بعد أن تعرضت لطلقات خرطوش من قبل بلطجية أثناء ما كانت تسير مع خطيبها، وأصاب هذا الخرطوش عينها.

وكتب الحساب الرسمي لـ "سارة" عبر خاصية ستوري في موقع انستجرام: "سارة فقدت آخر أمل كانت متمسكة بيه، للأسف النتيجة النهائية سارة فقدت بصرها".

بينما نشر صديقها "عمرو" صورة تجمعه بها، وعلق: "اللهم إنا لا نسألك رد القضاء ولكن نسألك اللطف فيه.. الدنيا كلها دعت لك يا سارة لكن إرادة ربنا فوق كل شيء، ربنا أكيد ليه حكمة كبيرة محدش عارفها لكن اللي أقدر أقوله إن ربنا قادر على كل شيء محدش عارف ربنا شايلك إيه".

وأضاف: "قدر الله وما شاء الله فعل ربنا يصبرك.. يا سارة عارف إن الابتلاء دا تقيل عليكي بس وعد مني ليكي قدام ربنا هفضل طول عمري الأخ والصاحب و السند ليكي أي وقت هتلاقيني موجود عشانك وأهلك موجودين وكلنا موجودين علشانك وهنحاول نعوضك ونعمل المستحيل عشانك ومش هنسكت هندور على أي أمل من جديد ومين عارف اللي مقدرش عليه البني آدمين قادر عليه رب العباد ربنا يصبرك يا رب يا سارة".

وحول تفاصيل الحادث، فبحسب رواية "سارة" أنها خرجت للتنزه مع خطيبها، وتعرض لهم مسلحون، بينما حاولت هي أن تفدي خطيبها فجاء الخرطوش في عينها، تسبب لها في فقدان البصر في واحدة بينما الأخرى كان هناك أملًا أن تبصر بها.

وكان الفنان المصري تامر حسني، وجه الدعم لسارة محمد، وكتب عبر تويتر: “معرفش الكل يعرف قصة سارة أو لأ بس سهل أوي للّي ميعرفش إنه يعرف.. بحق الليلة الفضيلة دي يا سارة ليلة النصف من شعبان ربنا يكرمك وميعديش بكرا إلا وأنتي سامعه خبر جميل يطمنك إن عينك هترجع تاني إن شاء الله ادعوا معايا يا جماعة أنا متفائل خير ليها أوي”.